यात्रा शुरु गरेको चौधौं दिन २४ चैतमा २०३ किमी यात्रा पुरा गरी चितवन आईपुगेका उनी लुम्बिनी तर्फ लागेका छन् । तीन वर्षअघि काभ्रेको दोलालघाटमा भएको बस दुर्घटनामा परेका रामबहादुर तामाङलाई मेरुदण्डको पक्षघात भएको छ । आफू जस्तै पीडामा परेका व्यक्तिहरुलाई हौसला प्रदान गर्न र स्पाइनल इञ्जुरी सम्बन्धी चेतना जगाउन यात्रा गरेको उनले बताए ।

“जिउँदो लाश भनेर हामीलाई हेप्छन, तर हामी पनि राष्ट्रका लागि केही गर्न सक्छौं” उनले भने,“रुखमा चढ्न र हिँड्न नसके पनि हातले गर्ने सबै काम गर्न हामी सक्षम छौं ।” हातले मात्र गर्न सकिने ३६ वटा सीप आफुसँग रहेको उनले बताए ।

तामाङले आफूसँग भएको सीप आफु जस्तै मेरुदण्डका पक्षघात भएकाहरुलाई सिकाउँदै हिंडेका छन् ।

परनिर्भरता हटाउन सके मात्र मेरुदण्डका पक्षघात भएकाहरु समाजमा स्थापित हुनसक्ने उनले बताए । पुर्नस्थापना केन्द्र सञ्चालनका लागि सहयोग जुटाउने कार्यमा पनि उनी सक्रिय छन् ।

उनको यात्राको सफलताको कामना गर्दै नारायणगढको पुल्चोकबाट २४ चैत विहान स्थानीयले बिदाई गरेका थिए ।

सविता श्रेष्ठ, चितवन

प्रतिकृया दिनुहोस