दाउन्ने, सुनवल, धुरकोट, अरुणखोला, चोरमारालगायत जङ्गलमा लागेको डढेलो पूर्ण रुपले नियन्त्रणमा ल्याउन स्थानीयले अग्नि नियन्त्रण समिति गठन गरे पनि आगो नियन्त्रणमा आउन सकेको छैन ।

तातो हावासँगै फैलिएको डढेलोका कारण जङ्गली जनावरसमेत प्रभावित भएका छन् । डढेलो लागेको वन क्षेत्रमा नीलगाई, हरिण, मयूर, कालिजजस्ता वन्यजन्तु र पक्षीहरू पाइने गर्दछ ।

चौपाया चराउन र घाँस दाउरा गर्न जङ्गल गएकाले फालेको चुरोटको ठुटोबाट वन क्षेत्रमा डढेलो लाग्ने गरेको छ । डढेलो क्रमशः अन्यत्र पनि फैलिन थालेपछि जिल्ला वन कार्यालयले नियन्त्रणका लागि प्रयास भइरहेको जनाएको छ ।

प्रतिकृया दिनुहोस