धनकुटाको सल्लेरी राष्ट्रियमा आगलागी भएको हो । १० बैशाख दिउँसो १ बजेदेखि लागेको आगो साँझ ५ बजे मात्र नियन्त्रणमा आएको थियो ।

तस्वीरः सन्तोष रुचाल

आगलागीबाट धनकुटा बजारमा क्षति हुन जोगिए पनि ठूलो संख्यामा काठपात, बोटविरुवा जलेर नष्ट भएको छ । सल्लेरीमा रहेको नेपाली सेनाको श्रीमेहर गणबाट आगो सल्किएको हो ।

नेपाली प्रहरी, नेपाली सेना, सशस्त्र प्रहरी र स्थानीयबासिन्दाले आगो नियन्त्रणमा लिएको प्रहरीले जनाएको छ । धनकुटामा बारुणयन्त्र नभएको र सुनसरीबाट बोलाएको बारुणयन्त्र ढिला आइपुग्दा आगो नियन्त्रणमा समस्या भएको थियो ।

बजारसँगै जोडिएको बनमा आगो लागेपछि धनकुटा बजारका बासिन्दा त्रसित बनेका थिए । आगलागीको कारण खुल्न नसकेको प्रहरीले जनाएको छ ।

यस्तै, धनकुटाकै कुरुलेतेनुपा गाविस–८ मा रहेको हात्तिसुढे सामुदायिक बनमा लागेको आगो बस्तिमा पस्दा तीन वटा घर जलेको छ । आगलागीबाट हरिप्रसाद बराल, डिल्लीराम अधिकारी र दीर्घबहादुर घिमिरेको घर–गोठ जलेको मुढेवास प्रहरी चौकीका ईन्चार्ज लोकवहादुर धिमालले जानकारी दिए ।

सन्तोष रुचाल, धनकुटा

प्रतिकृया दिनुहोस