पेटमा मृत शिशु भएका कारण तत्कालै अप्रेशन गर्नु परेकी गुल्मीको भनभने–८ टिमुरखर्ककी  २१ वर्षीय चमेली विश्वकर्मालाई नेपाली सेनाका हवल्दार उत्तमकुमार भुजेलले रगत दिएर बचाएका छन् ।

सदरमुकाम तम्घासको रेसुङ्गा अस्पतालमा भर्ना भएकी विश्वकर्माको जरुरी अप्रेशन रगत अभावमा रोकिएपछि हवल्दार भुजेलले रगत दिएका हुन् ।

विश्वकर्माको शल्यक्रिया गरेर मृत शिशु वाहिर निकालिएको छ भने उनको स्वास्थ्य अवस्था सामान्य रहेको अस्पतालले जनाएको छ ।

पेटमै शिशु मरिसकेको भए पनि विश्वकर्मालाई उपचारका लागि सदरमुकाम तम्घाससम्म ल्याउने खर्च नहुँदा उनको अवस्था नाजुक बनिसकेको थियो । यहाँ ब्ल्ड बैंक छैन भने चेतनाको अभावमा  रगतदाता तयार नहुँदा  सेनालाई नै गुहार्नु पर्ने अवस्था छ ।
गगनशिला खड्का, गुल्मी

प्रतिकृया दिनुहोस