तेह्रथुमबाट धरानतर्फ जाँदै गरेको को.१ज. ३६९ नम्बरको ल्याण्डरोभर जीप भेडेटार– ३ कार्कीछापमा ब्रेक फेल भई दुर्घटना हुँदा भारत बेतिया बस्ने ४० वर्षका मुन्नाप्रसाद साहको घटनास्थलमै ज्यान गएको जिल्ला प्रहरी कार्यालय धनकुटाले जनाएको छ ।

घाईतेहरुको भेडेटार प्रहरी चौकीबाट राति नै आएको प्रहरी टोलीले उद्दार गरी विपी कोईराला स्वास्थ्य विज्ञान प्रतिष्ठान धरानमा उपचार भईरहेको छ ।

घाईते हुनेहरुमा तेह्रथुम मोराहाङ–६ का २३ वर्षीय आशा राई, ९ का ३६ वर्षीय हर्कबहादुर राई, १२ वर्षीय सुमन राई, १० वर्षीय कोभित राई, तेह्रथुमकै सुदाप–४ का २० बर्षीय अजित लिम्बु, धरान–१५ की १७ बर्षीया एलिशा श्रेष्ठ र भारत बेतिया बस्ने १४ बर्षीया दिपक शाह छन् ।

गाडी चालक तेह्रथुम मोराहाङ–६ का २५ बर्षीय विष्णु राईलाई प्रहरीले नियन्त्रणमा लिएको छ ।
सन्तोष रुचाल, धनकुटा

प्रतिकृया दिनुहोस