संविधानसभा अन्तर्गतका चार वटा समितिहरुमा एक एकजनाको मात्रै उम्मेदवारी परेकाले संवैधानिक राजनीतिक संवाद सहमति समिति बाहेक अन्य सबै निर्वाचित हुने पक्का थियो ।

१२ बैशाखमा संवाद सहमतिको सभापतिमा एमाओवादी नेता बाबुराम भट्टराई विरुद्ध उम्मेदवारी दिएका रामकुमार राईले उम्मेदवारी फिर्ता लिएपछि उनी पनि निर्विरोध नै भएका छन् ।

संविधान मस्यौदा समितिमा कांग्रेस महामन्त्री कृष्णप्रसाद सिटौला, संविधान अभिलेख तथा निर्क्यौल समितिमा एमाले सचिव विष्णुप्रसाद पौडेल, क्षमता अभिवृद्धि समितिमा मधेशी दलका तर्फबाट मजफो नेपालकी लक्ष्मीकुमारी चौधरी र नागरिक सम्बन्ध समितिमा साना दलका तर्फबाट नेकपा संयुक्तका प्रमिला राणा निर्वाचित भएका छन् ।

निर्वाचित भएपछि भट्टराईले संविधानसभाको सवैभन्दा महत्त्वपूर्ण समितिमा निर्वाचित भएकाले पार्टीभन्दा माथि उठेर जनताले अपेक्षा गरेको संविधान जारी गर्न भूमिका खेल्ने दाबी गरे ।

नवनिर्वाचित सभापतिहरुको सपथ १३ वैशाख बिहान ११ बजे सिंहदरवारमा हुनेछ ।

समितिका सभापतिहरुको निर्वाचनका लागि स्थगित गरिएको व्यवस्थापिका संसदको बैठक पुनः शुरु भएको छ ।

राप्रपा नेपालले सबै समितिको निर्वाचन बहिस्कार गर्ने

————————————————————————————————————-
संसद स्थगित गरेर समितिका सभापतिको निर्वाचन
संविधानसभा अन्तर्गतका पाँच समितिको निर्वाचन गर्नुपर्ने भन्दै व्यवस्थापिका संसदको बैठक केही समयका लागि स्थगित गरिएको छ ।

बेपत्ता छानविन तथा सत्य निरुपणसम्बन्धी विधेयकमाथिको छलफल लम्बिंदै जाँदा संविधानसभा अन्तर्गतका समितिमा ५ बजेदेखि हुने भनिएको सभापतिहरुको निर्वाचन प्रक्रिया प्रभावित भएको छ ।

निर्वाचन प्रक्रिया प्रभावित हुन थालेपछि १२ वैशाखमा जारी संसद बैठक ५ बजे स्थगित गरी निर्वाचनको कार्यक्रम तय गरिएको संसद सचिवालयले जनाएको छ ।

समितिका सभापतिहरुको चयन गरिसकेपछि संसद बैठक पुनः वस्ने सचिवालयले जनाएको छ ।

प्रतिकृया दिनुहोस