थप समाचारबुधबार, बैशाख १७, २०७१

लालझाडीमा एउटा बाघ भेटियो, शुक्लाफाँटामा १७ वटा

हिमालखबर

क्यामरा ट्रयापिङमा बाट खिचिएको बाघको तस्वीर

क्यामरा ट्रयापिङबाट दुई सातासम्म गरिएको बाघ गणनामा लालझाडी बनमा एउटा बाघ भेटिएको जिल्ला वन कार्यालय कञ्चनपुरले जनाएको छ ।

तराई भू–परिधी कार्यक्रम (ताल) र जिल्ला वन कार्यालय कञ्चनपुरले यसक्षेत्रमा पहिलोपटक बाघ गणना गरेका हुन् ।

“गत २० चैत देखि ७ वैशाखसम्म गरिएको गणनाका क्रममा एउटामात्र बाघ भेटियो’’ जिल्ला वन अधिकृत पशुपति कोइरालाले भने ।

सरकारले ७ असोज २०६७ देखि कैलाली र कञ्चनपुरको भू–भागलाई समेटर लालझाडी मोहना संरक्षित वन घोषणा गरेको थियो । लालझाडी बाघ ओहोरदोहोर गर्ने ‘करिडोर’ हो ।

३ सय ५० वर्ग किलोमिटर क्षेत्रफल रहेको लालझाडी बाघको करिडोरका रुपमा चुरे क्षेत्रसित जोडिएको ब्रह्मदेव क्षेत्रमा पनि बाघ गणना थालिएको छ ।

बाघ गणना गरिएको लालझाडी संरक्षित वनसँगै जोडिएको ब्रह्मदेव सामुदायिक बनको २५० वर्गकिलोमिटर रहेको छ ।

बाघ, हात्ती लगायतका वन्यजन्तु भारतको दुधवा राष्ट्रिय निकुञ्ज हुँदै लालझाडी भएर चुरे क्षेत्रसित जोडिएको व्रह्मदेवसम्म ओहोरदोहोर गर्छन् । यो संवेदनशिल जैविक मार्गका रुपमा चिनिन्छ ।

यसअघि शुक्लाफाँटा बन्यजन्तु आरक्षमा बाघ गणना गरिँदै आएको थियो । यो वर्ष शुक्लाफाँटामा १७ वटा बाघ भेटिएका छन् ।

बच्चु विक, कञ्चनपुर

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...