तस्बीर साभारः तिबेटसन डटकम

एमाले उपत्यका समन्वय कमिटीले २० भदौमा राजधानीमा पत्रकार सम्मेलन गरेर अमेरिकी कम्पनीले भगवान बुद्धको चित्र जुत्तामा अंकित गरेर सबै बुद्ध धर्मावलम्बी र नेपालीको अपमान गरेको ठहर गरेको हो । आईकन सु नामक कम्पनीले आफ्नो जुत्तामा बुद्धको चित्र राखेपछि त्यस्को तीब्र विरोध भइरहेको छ । एमाले उपत्यका समन्वय कमिटीका संयोजक कृष्णगोपाल श्रेष्ठले पार्टी निर्देशनअनुसार आफूहरु विरोधमा उत्रिएको बताए ।

संयोजक श्रेष्ठले जुत्ता उत्पादक कम्पनीको यस्तो कदमले बौद्धमार्गी र सबै शान्तिप्रिय नागरिकलाई आघात पुर्‍याएको बताए । एमालेले त्यस्तो उत्पादन तत्काल रोक्न माग समेत गरेको छ ।

एमालेले बाबुराम भट्टराई नेतृत्वको सरकारले राष्ट्रियतामाथि आक्रमण हुँदा पनि चुपचाप बसेर राष्ट्रघात गरेको आरोप लगाएको छ । श्रेष्ठले अमेरिकी सरकारसंग कुरा गरि बुद्धको तस्बिर जुत्तामा राख्ने कम्पनिको उत्पादन बन्द गराउने पहल गर्न सरकारसंग माग गरे ।

प्रतिकृया दिनुहोस