पूर्वी दाङको राजपुर वनकट्टीका स्थानीय वीरबहादुर सुनारको घरबाट सल्केको आगोले गाउँका ६० घर तथा गोठ जलेर पूर्णरुपमा नष्ट भएको प्रमुख जिल्ला अधिकारी रविलाल पन्थले जानकारी दिएका छन् ।

नेपाल प्रहरी, सशस्त्र प्रहरी, नेपाली सेना, स्थानीय र दमकलको सहायताले आगो निभाउन प्रयास गरे पनि रात पर्दासम्म पनि आगो पूर्ण रुपमा नियन्त्रणमा नआइसकेको प्रजिअ पन्थले बताए ।

आगलागीबाट मानवीय क्षति केही नभए पनि अन्नपात, चौपाया, लत्ताकपडालगायतका सामग्री जलेर नष्ट भएको प्रहरीले जनाएको छ ।

आगलागी पीडितलाई नजिकैको विद्यालयमा राखिएको छ । क्षतिको विस्तृत विवरण आउन अझै बाँकी छ ।

प्रतिकृया दिनुहोस