संविधानसभाअन्तर्गतको संवैधानिक–राजनीतिक संवाद तथा सहमति समितिले संविधानसभा बाहिर रहेका राजनीतिक दल तथा सरोकारवाला निकायलाई पनि वार्तामा बोलाउन सरकारसँग आग्रह गरेको हो । समितिको ५ जेठमा बसेको बैठकले संविधानसभा बाहिर रहेका समूहलाई पनि संविधान निर्माण प्रक्रियामा सहभागी हुन सरकारले आग्रह गर्नुपर्ने निष्कर्ष निकालेको छ ।

संविधान निर्माण प्रक्रियामा सबैको सहभागितासहित बढी भन्दा बढी जनताको अपनत्व र स्वामित्व प्राप्त संविधान निर्माण लागि त्यस्ता समूहसँग वार्ता गर्नुपर्ने समितिको ठहर छ ।

समितिले संविधानसभा बाहिर रहेका सरोकारवाला समूहलाई पनि संविधान निर्माण प्रक्रियामा सहभागी गराउन प्रधानमन्त्रीलाई ध्यानाकर्षण गराउने निर्णय गरेको छ ।

संविधानसभा बाहिर रहेका दल र सरोकारवालाको पहिचान गरी वार्ताका लागि आवश्यक पर्ने वार्ता प्रक्रिया र कार्यविधिको सुझाव दिन समितिले उपसमिति पनि गठन गरेको छ । कांग्रेस सभासद पूर्णबहादुर खड्काको संयोजकत्वमा गठित उपसमितिले १५ जेठभित्र प्रदिवेदन बुझाउने छ ।

प्रतिकृया दिनुहोस