तस्वीर: गगनशिला खड्का

सभ्यताका विभिन्न ७ वटा सुचकयुक्त गाविस घोषणा भएपछि गुल्मीको बलेटक्सारमा उत्सव मनाइएको छ । उत्सवमा बलेटक्सार निवासी पूर्वमन्त्री एवम् एमाले नेता प्रदीप ज्ञवाली र मुख्यसचिव लिलामणी पौडेल समेत सहभागी भएका छन् ।

नगरपालिकाउन्मुख गाविस बलेटक्सारका १ हजार ५० घर, १६ कार्यालयमा र एउटा सार्वजनिक गरी १ हजार ६७ वटा शौचालय बनेपछि बलेटक्सार खुल्ला दिशामुक्त घोषणा भएको छ ।

गाविसमा १४ वर्षसम्मका १ हजार २८ र १५ वर्षदेखि माथिका ४ हजर ७०७ जना गरी ५ हजार ७३५ व्यक्ति साक्षर रहेको २३ महिना सम्मका ७६ जना बालबालिकाले पूर्ण रुपमा खोप पाएको र ८६५ सुधारीएको चुलो र ६४३ ग्याँस प्रयोगकर्ता रहेको गाविस सचिव टिका बहादुर केसीले जानकारी दिए । बलेटक्सारका सबै घरमा विजुली पुगेको पनि उनले बताए ।

यहाँका किसानहरुले उखु, अदुवा, कफि र अम्रिसो तथा दुग्ध उत्पादनबाट मनग्गे आम्दानी गरिरहेकाले गाविस कृषिमा समेत आत्मनिर्भर भएको गाविस सचिव केसीको भनाई छ ।
गगनशिला खड्का, गुल्मी

प्रतिकृया दिनुहोस