झापाको तोपगाछी–७ स्थित विद्यालयमा पढ्ने छात्रालाई सामूहिक बलात्कार गर्नेमध्येका तोपगाछी– ७ का सुरज ढकाल र बिशाल गिरीलाई प्रहरीले १५ जेठमा पक्राउ गरेको छ ।

४ जेठ राति तोपगाछी स्कुल नजिकबाट बेहोस अवस्थामा उनको उद्धार गरिएको थियो । बलात्कृत किशोरी सिकिस्त विरामी भएपछि घटना बाहिर आएको हो । अपराधीहरुले घटना सार्वजनिक गरे हत्या गर्ने धम्की दिएकाले किशोरीले घटनाबारे कसैलाई भनेकी थिइनन् ।

पीडित किशोरी राति निद्रामा कराउन थालेपछि घटनाको बारेमा परिवार र छिमेकीले समेत थाहा पाएका थिए । त्यसपछि अभियुक्तहरुविरुद्ध १४ जेठमा ईलाका प्रहरी कार्यालय दमकमा किटानी जाहेरी परेको थियो ।

इलाका प्रहरी कार्यालय दमकले घटनाको बिषयमा अनुसन्धान भईरहेको बताएको छ । घटनाबारे ढिलो जानकारीमा भएकाले अभियुक्तहरुलाई पक्राउ गर्न समस्या भएको प्रहरीको भनाई छ ।
गोपाल गडतौला, झापा

प्रतिकृया दिनुहोस