१७ जेठमा काठमाडौंस्थित प्रज्ञा प्रतिष्ठानमा कार्यक्रम आयोजना गरी एमाले वरिष्ठ नेताको माधवकुमार नेपालले आगामी महाधिवेशनमा अध्यक्ष पदका लागि उम्मेदवारी दिने घोषणा गरेका छन् ।

एमाले सचिव युवराज ज्ञवालीले नेपाललाई अध्यक्ष उम्मेदवार बन्न प्रस्ताव गरेका थिए ।

उम्मेदवारी घोषणा गर्दै नेता नेपालले पार्टीलाई गतिशिल बनाउन, गुट–उपगुट संस्कृतिको अन्त्य गर्न आफूले उम्मेदवारी दिन लागेको बताए ।

यसअघि नेपालको नेतृत्वमा महासचिव र सचिवका उम्मेद्वार घोषणा गर्ने भनिएपनि नेपाल पक्षले शनिबार अध्यक्षको मात्र घोषणा गरेको हो ।

कार्यक्रममा एमाले नेता भीम रावल, सुरेन्द्र पाण्डे, प्रकाश ज्वाला, अष्टलक्ष्मी शाक्यलगायतको सहभागिता थियो ।

एमालेकै केपी ओली समूहले यसअघि नै अध्यक्षमा ओली, बरिष्ठ उपाध्यक्षमा बामदेव गौतम र महासचिवमा इश्वर पोखरेलको नाम घोषणा गरिसकेको छ ।

प्रतिकृया दिनुहोस