वीरगञ्जमा छिनछिनमै वत्ती जाने, बत्ति आए पनि भोल्टेज नपुग्ने गरेपछि विरोधमा ओर्लिएका विद्युत उपभोक्तले विद्युत वितरण केन्द्र वीरगञ्जमा तोडफोड गरेका छन् । विरोधमा उत्रिएका उपभोक्ता र केन्द्रका कर्मचारीबीच भएको विवाद बढदै जाँदा तोडफोड भएको हो । उपभोक्ता र कर्मचारीबीच हात हालाहाल समेत भएको छ ।

उपभोक्ताहरुले कार्यालयको झ्याल र फर्निचर तोडफोड गरेका छन् । त्यसक्रममा प्रहरीले चारजना प्रदर्शनकारीलाई नियन्त्रणमा लिएको छ । प्रहरीले इस्माइल मीयाँ, गजेन्द्र देवठकु, लालबाबु ठकुराई र इसराइल समानीलाई नियंन्त्रणमा लिएको हो ।

वीरगञ्जको आदर्शनगर र पानीटयांकीमा विद्युत ट्रान्सफर्मरममा भएको गडबडीका कारण भोल्टेज कम हुने र घण्टौसम्म विद्युत आपूर्ती समेत ठप्प हुने समस्या समाधानका लागि बारम्बार आग्रह गर्दा पनि प्राधिकरणका कर्मचारीले चासो नदेखाएको भन्दै स्थानीयले विरोध प्रदर्शन गरेका हुन् ।
बिम्मी शर्मा, वीरगञ्ज

प्रतिकृया दिनुहोस