नेपाल प्रहरीको केन्द्रीय अनुसन्धान व्यूरो (सीआइबी) ले १८ जेठमा साहलाई काठमाडौं जिल्ला अदालतबाट तीन दिन म्याद थप गरी हिरासतमा राखेर अनुसन्धान गरिरहेको व्यूरोका प्रहरी उपरीक्षक (एसपी) सुरेश विक्रम शाहले बताए ।

इलाका प्रशासन कार्यालय लहान (सिरहा) का प्रशासकीय अधिकृत साहलाई विद्युतीय कारोबार ऐन विपरितको कसुर गरेको अभियोगमा सोधपुछ गर्ने काम भइरहेको सीआइबीले जनाएको छ ।

गृहमन्त्री वामदेव गौतमले सडकमा राखिएका डिभाइडर नाघ्दै हिडेको तस्बीर फेसबुकमा राखिएपछि त्यसमा गालीगलौज गरेर आपत्तिजनक टिप्पणी गरेको भन्दै उनलाई प्रहरीले १६ जेठमा बाराबाट पक्राउ गरेको थियो । पक्राउपछि काठमाडौं ल्याइएका उनलाई सीआइबीको हिरासतमा राखिएको हो ।

सीआइबी स्रोतले साहमाथि लगाइएको आरोप पुष्टि हुने यथेष्ट प्रमाण रहेको र अनुसन्धान पूरा गरेर छिटै मुद्दा प्रक्रियामा लैजाने जानकारी दिएको छ ।

प्रतिकृया दिनुहोस