स्वर्गद्वारी दर्शन गरेर फर्कंदै गरेका भारतीय तिर्थ यात्री चढेको बस प्यूठानको गोठिबाङ लामाचौरमा दुर्घटना हुँदा मृत्यु हुनेको संख्या १८ पुगेको छ ।

मृतकहरुमध्ये चार जनाको मात्रै सनाखत भएको छ । सनाखत भएकाहरुमा भारत बलरामपुरका सनई हर्जन, सदगुरु हर्जन, फुरला हर्जन र दिलु हर्जन रहेका छन् । बाँकीको सनाखत र शव पोष्टमार्टमको तयारी भैरहेको प्रमुख जिल्ला अधिकारी रामबहादुर कुरुम्बाङ्गले जानकारी दिए ।

घाइते सबैलाई प्यूठान अस्पताल सुविधासम्पन्न अस्प्तालमा रिफर गरेको छ । घाइतेमध्ये ५५ जनाको बुटवल र भैरहवाका विभिन्न अस्पतालहरुमा उपचार भैरहेको छ । ४१ जनाको अवस्था गम्भीर छ ।

प्यूठानको स्वर्गद्वारी धाम दर्शन गरेर कृष्णनगर हुँदै भारत फर्कन लागेका तिर्थ यात्रु बोकेको बस १९ जेठ साँझ प्यूठानको गोठिवाङ–१ लामाचौरमा दुर्घटनामा परेको थियो

बस दुर्घटना भएपछि ९ जनाको घटना स्थलमा मृत्यु भएको हो भने २ जनाको उपचारका लागि लैजाँदै गर्दा मृत्यु भएको हो । त्यसैगरी ५ जनाको जिल्ला अस्पताल विजुवार र २ जनाको बुटवलमा उपचारको क्रममा मृत्यु भएको हो ।

१५ वटा शवहरुलाई जिल्ला अस्पताल प्यूठानमा राखिएको छ ।

पश्चिम नेपाल यातायात व्यवसायी समितिको लु १ ख ३८०३ नम्वरको बस सडकबाट करिव सय मिटल तल माडी खोला किनारमा खसेको हो ।

विजयसिंह भारती, प्यूठान

प्रतिकृया दिनुहोस