चितवन क्षेत्र नम्बर–४ को चुनावी अभियानको क्रममा ३० जेठमा आयोजित सभालाई सम्बोधन गर्दै एमाओवादी अध्यक्ष पुष्पकमल दाहालले पहिलो संविधानसभाले संविधान दिन नसक्नुको दोषबाट माओवादी पनि मुक्त रहन नसक्ने बताएका छन् ।

दाहालले अहिले नेपाली काग्रेस, नेकपा एमाले तथा अन्य दल र सरकारसमेत आफ्नो एजेण्डामा आएको दाबी गर्दै आगामी ८ माघभित्र संविधान जारी हुने विश्वास व्यक्त गरे ।

यद्दपी उनले दोस्रो संविधानसभा पनि असफल भए देश सङ्कटमा फस्ने बताएका थिए ।

अध्यक्ष दाहालले पहिचानको आधारमा पाँच राज्य र सामथ्र्यको आधारमा चार राज्य बनाएर सङ्घीयतामा जानुपर्ने धारणा व्यक्त गरे ।

संविधान बनेसँगै राज्यको पुनःसंरचनाबाट जातीय, क्षेत्रीय र लैङ्गिक विभेद अन्त्य हुने उनको भनाइ थियो ।

रासस

प्रतिकृया दिनुहोस