चमेनागृह व्यवस्थापन उपसमितिको निर्देशनअनुरुप संविधानसभा भवनमा सञ्चालित चमेनागृहसँगको सम्झौता २९ जेठदेखि भङ्ग गरी चमेनागृह सञ्चालनमा रोक लगाइएको सचिवालयका प्रवक्ता मुकुन्द शर्माद्वारा जारी विज्ञप्तिमा जनाइएको छ ।

संविधानसभा सचिवालयमा सञ्चालिच चमेनागृहमा उपलब्ध खाद्द पदार्थको गुणस्तर परीक्षण गर्दा स्टाफाइलोककस नामक ब्याक्टेरिया पाइएको छ।

यो ब्याक्टेरियाले श्वासप्रश्वासमा समस्या, छालाको एलर्जी र ‘फूड प्वाइजनिङ’ गराउनुका साथै अन्य रोगका लागि पनि सहयोगी हुने चिकित्सकहरु बताउँछन् ।

सचिवालयले पटकपटक सोधेको स्पष्टीकरण र सुधारका लागि दिएको निर्देशनअनुरुप गुणस्तर र सरसफाइको सुधार गर्नुको सट्टा गुणस्तर र सरसफाइको अवस्था अझ नाजुक देखिएकाले उपसमितिको निर्देशनमा संस्थालाई चमेनागृह सञ्चालनमा रोक लगाइएको विज्ञप्तिमा उल्लेख छ ।

विज्ञप्तिमा चमेनागृहबाट उपलब्ध गराइएको खाना/खाजालगायतका विविध परिकारका बारेमा सरसफाइलगायत सामानको गुणस्तरका बारेमा सरोकारवालाको असन्तुष्टिसहित व्यापक गुनासो लगातार प्राप्त हुने गरेको उल्लेख छ ।

केही समयअघि खाद्य तथा गुण नियन्त्रण विभागबाट चमेनागृहमा उपलब्ध खाद्य सामग्रीको नमुना परीक्षण गराउँदा स्टाफाइलाकोकस भेटिएको पनि सचिवालयले जनाएको छ ।

प्रतिकृया दिनुहोस