धौलागिरी अञ्चलका विभिन्न जिल्लामा कार्यक्रम सकेर फर्केका कोइरालाले २७ भदौमा पोखरामा बोल्दै नयाँ निर्वाचनबाट मात्र मुलुकको निकास पाउने बताएका हुन । सञ्चारकर्मी माझ कोइरालाले भने, “संविधानसभा पुनःर्स्थापना गर्न सहमति र संवैधानिक जटिलता छ, त्यसैले कांग्रेस नयाँ निर्वाचनको पक्षमा छ ।”

सभापति कोइरालाले एमाओवादीले संविधानसभाबाट फेरी सत्ता कब्जा गर्ने नियत राखेको दावी गरे । उनले एमाओवादी सरकारमा बसेकै अवस्थामा पुनःर्स्थापनाको विषयमा छलफल गर्न नसकिने बताए । कोइरालाले भने, “माओवादी आफै विघटन गरेर फेरी त्यही सरकारमा बसेर पुनःर्स्थापना हुन सक्दैन ।”
पुनःर्स्थापनाबारे अदालतको राय के हुन्छ ?, राष्ट्रपतिको भूमिका के हुन्छ ? भन्ने जस्ता प्रश्न अनुत्तरित रहेकाले नयाँ निर्वाचन नै विकल्प भएको उनको भनाई थियो । सरकार तानाशाही भएको भन्दै सभापति कोइरालाले कांग्रेसले संवैधानिक लर्डाईं, शान्तिपूर्ण विरोध र आन्दोलनका कार्यक्रम गर्ने बताए ।

वार्ता र सहमतिको प्रयास जारी रहेपनि आन्दोलन नरोकिने सभापति कोइरालाले उल्लेख गरे । प्रजातन्त्रसँग निहुँ खोज्ने जोकोही पतन हुने उनको भनाई थियो ।

छवि मगर, पोखरा

प्रतिकृया दिनुहोस