इस्लामिक स्टेट अफ इराक एण्ड सिरिया (आइएसआइएस) का लडाकुले इराकका पूर्व तानाशाह सद्दाम हुसेनलाई मृत्यु दण्डको सजाय सुनाएका न्यायाधीशको हत्या गरेको सद्दामको नजिक रहेका इब्राहिम अल–दौरीले फेसबुकमार्फत दाबी गरेका छन् ।

जोर्डनका एक सांसदले पनि फेसबुकमा यस्तै दाबी गरेका छन् । यद्दपी इराकी सरकारले यसबारे कुनै प्रतिक्रिया दिएको छैन ।

‘इन्टरनेशनल बिजनेस टाइम्स’ ले अल–दौरीको फेसबुकलाई उद्धृत गर्दै उनलाई फाँसीको सजाय सुनाउने न्यायाधीश रउफ अब्दुल रहमानको अपहरण भएको उल्लेख गरेको छ । ‘न्यूयार्क टाइम्स’ ले हालै आइएसआइएसको नाटकीय आक्रमणमा अल–दौरीको हात रहेको उल्लेख गरेको थियो ।

उनी सन् २००३ मा इराकी कमाण्ड काउन्सिलका उपाध्यक्ष थिए र २००७ मा इराकको प्रतिबन्धित बाट पार्टीका नेता थिए । बाथ सद्दाम हुसेनले स्थापना गरेका पार्टी हो ।

जोर्डनका सांसद खलील अतिहलाई उद्धृत गर्दैै ‘डेली मेल’, ‘न्यूयार्क पोष्ट’ र अन्य समाचार वेबसाईटले विद्रोहीहरुले २ असारमा न्यायाधीश रहमानलाई बन्धक बनाइएको र ४ असारमा हत्या गरेकोे उल्लेख गरेका छन् ।

अतिहका अनुसार रहमान बगदादबाट नर्तकीको भेष धारण गरेर भाग्न लागेकाबेला विद्रोहीहरुले उनलाई बन्धक बनाएका थिए ।

ुडेली मेलु ले सद्दामलाई फाँसीको सजाय सुनाएपछि रहमानले मार्च २००७ मा बेलायतसँग शरण मागेको पनि दाबी गरेको छ तर आधिकारिक रुपमा यस्को पुष्टि भइसकेको छैन ।

प्रतिकृया दिनुहोस