१३ असारमा दाङमा आयोजित साक्षात्कार कार्यक्रममा एमाओवादी सचिव टोपबहादुर रायमाझीले अध्यक्ष पुष्पकमल दाहालले पञ्चायतकालको जस्तो पूरानो विचार र सोच बाट पार्टी सञ्चालन गर्दा पार्टी कमजोर भएको बताएका छन् ।

“अध्यक्षले नयाँ आवश्यकता, नयाँ सोच र नयाँ संगठनका लागि पुरानो शैलीमा सुधार गर्नुपर्छ, पुरानो शैलीले अब पार्टी सञ्चालन हुनसक्दैन,” रायमाझीले भने, “पार्टीमा योग्य र विज्ञ नेताको खोजी भइरहेको छ ।”

उनले हालै सम्पन्ने उपनिर्वाचनमा भएको पार्टीको पराजयसमेतको विश्लेषण हुनुपर्ने बताए । रायमाझीले भने, “पार्टीभित्रको आन्तरिक कलह समाधान गर्न नसक्ने नेतृत्वले अन्य पार्टीहरुसँग गर्ने भनिएको कार्यगत एकता र मोर्चाको कुनै अर्थ रहँदैन ।”

प्रतिकृया दिनुहोस