मोरङको इन्द्रपुरमा १४ असार बिहान आयोजित पार्टी कार्यकर्ता भेटघाट कार्यक्रममा एमाओवादी अध्यक्ष पुष्पकमल दाहालले पाँच राजनीतिक दलबीच हुन लागेको एकता संविधान निर्माणका लागि भएकाले त्यसप्रति शङ्का नगर्न आग्रह गरेका छन् ।

दाहालले मुलुक कठिन अवस्थाबाट गुज्रिरहेको भन्दै ८ माघेभित्र संविधान निर्माण गरेर मुलुकलाई निकास दिनु सबै राजनीतिक दलको साझा कर्तव्य भएको धारणा व्यक्त गरे ।

उनले नेकपा–माओवादीलगायत संविधानसभाबाहिर रहेका दलहरुलाई पनि संविधान निर्माण प्रक्रियामा सहभागी गराउन छलफल एवम् वार्ता गरी सहमतिका आधारमा संविधान जारी गर्नुपर्ने बताए ।

पार्टीभित्र नेताहरुबीच कुनै विवाद नरहेको पनि दाहालको दाबी थियो ।

यो पनि पढ्नुहोस:
दाहाल भन्छन, ‘संविधान बन्ने निश्चित छैन’

दाहालले भने, ‘बाबुरामजी र म संधै मिलेका छौं’
एमाओवादी अध्यक्ष पुष्पकमल दाहालले निर्धारित समयमा नै संविधान निर्माण हुने सङ्केत प्रष्ट भइरहेको बताएका छन् ।

प्रतिकृया दिनुहोस