हरेक महिनाको अन्तिम साता जनतासँग प्रत्यक्ष भेटघाट गर्ने कार्यक्रमअनुसार जुम्लाको तातोपानी गाविसको दलित बस्तीमा रात बिताएर फर्कने क्रममा ३१ भदौमा सुर्खेत विमानस्थलमा पत्रकारसँग कुरा गर्दै उनले यस्तो धारणा राखेका हुन । प्रधानमन्त्री भट्टराईले संविधानसभा पुनःस्थापना गर्न अथवा नयाँ निर्वाचनमा जानका लागि पनि सहमति आवश्यक रहेकामा जोड दिए । उनले देशको अहिलेको सङ्क्रमणकालीन अवस्थालाई चिर्न दलबीच छलफल जारी रहेको भन्दै केही दिनभित्रै सङ्क्रमणकालको अन्त्य हुने विश्वास व्यक्त गरे ।

कार्यक्रममा प्रधानमन्त्रीले राष्ट्रपतिसमक्ष प्रस्तुत गरिएका अध्यादेश सरकार साचालनका लागि आवश्यक रहेको बताउँदै भने, ‘यी अध्यादेश व्यवस्थापिका-संसद्मा प्रस्तुत भई छलफल भइसकेका हुन् जनप्रतिनिधि नभएका बेला सरकारका काम साचालन गर्न अध्यादेश आवश्यक भएकाले ल्याउन खोजिएको हो ।’ उनले आफ्नो कार्यकालमा शान्ति र संविधानले गति लिएको र शान्ति प्र्रकि्रया अन्तिम चरणमा पुगेको बताए ।

प्रधानमन्त्री भट्टराईले जनतासँग सरकारको कामका बारेमा सुझाव लिन र जनतासँग प्रत्यक्ष संवाद गर्ने उद्देश्यले आफू नेपालकै विकट दलित बस्तीमा पुगेको बताए । रासस

प्रतिकृया दिनुहोस