सुनिर पाण्डे र तृष्णा राणा

काठमाडौं, नक्सालस्थित बालमन्दिरमा रहेका बालबालिकामाथि दुव्र्यवहार गरेको अभियोगमा दुई कर्मचारी पक्राउ परेका छन् । यौन दुव्र्यवहार गरेको आरोपमा पक्राउ परेका उनीहरूलाई अर्को हप्ता केन्द्रीय अनुसन्धान ब्युरोले अदालतमा पेश गर्दैछ ।

बालमन्दिरमा आश्रित बालबालिकालाई पटकपटक बलात्कार र यौन दुर्व्यवहार गरेको भन्दै बालअधिकारकर्मीले प्रमाणसहित उजुरी दिएपछि बालमन्दिरका धर्मपुत्र–पुत्री शाखाका पूर्व प्रमुख रविन श्रेष्ठ र बालमन्दिरमै युथ क्लब सञ्चालन गर्ने तथा बालमन्दिरकै पूर्व छात्र रविन चालिसेलाई प्रहरीको केन्द्रीय अनुसन्धान ब्यूरोले ६ असारमा पक्राउ गरेको हो ।

श्रेष्ठ यसअघि पनि सन् २०१२ मा ५ वर्षीया दृष्टिविहिन बालिकालाई बलात्कार गरेको अभियोगमा पक्राउ परेका थिए । त्यसबेला ती बालिकालाई धर्मपुत्री बनाउन लागेकी बेलायती नागरिकले प्रहरीमा उजुरी दिएकी थिइन् ।

“मैले उनलाई धर्मपुत्री बनाउन चाहेकी थिएँ, तर श्रेष्ठले स्वीकृति दिएनन्,” अहिले उनै बालिकालाई छोरी बनाएकी बेलायती महिलाले भनिन्, “बालिका १६ वर्ष पुगेपछि मात्रै निर्णय लिन सकिने र अहिलेलाई भने मैले बालिकाको खर्च ब्यहोर्नु पर्ने उनले भनेका थिए ।”

त्यसबेला बालमन्दिरकै एक कर्मचारीले बालिकाको गुप्ताङ्गबाट रक्तश्राव भइरहेको सूचना दिएपछि बालिकालाई अस्पताल लगिएको थियो र चिकित्सकले बालिकामाथि बलात्कार भएको पुष्टि गरेका थिए ।

अहिले फेरि चालिसेसँगै श्रेष्ठ बालमन्दिरकै सुस्त मनस्थितिका तीन बालिकालाई बलात्कार गरेको, अरु केहीलाई जबरजस्ती यौन कार्यमा लगाएको र दुई साना बालकमाथि दुव्र्यवहार गरेको आरोपमा पक्राउ परेका छन् । बालबालिकामाथि दुराचार गर्ने अर्को व्यक्ति रहेको खुले पनि उसको पहिचान अझै भइसकेको छैन ।

तीनजना व्यक्तिले आफूहरुलाई भारतीय फिल्मका अभिनेताका रुपमा चिनाउँदै ललाइफकाइ रक्सी खुवाएर अश्लिल फिल्म देखाएपछि यौन दुव्र्यवहार र बलात्कार गरेको बालबालिकाले बताएको अधिकारकर्मीहरुले बताएका छन् ।

“दुराचारीहरुले प्रत्येक शनिवार ‘विवाह’ को आयोजना गरी बालिकाहरुलाई रातो सारी लगाइदिन्थे र ब्याण्ड बाजाको म्युजिक बजाउँथे । त्यसपछि उनीहरुमाथि पानी छर्केपछि भिजेका लुगा जबरजस्ती खोल्न लगाइन्थ्यो । शनिबार दिउँसो श्रेष्ठ बालमन्दिरभित्र पस्न पाउने समयमा यस्तो घटना हुने गथ्र्यो जुन साँझ बालबालिकालाई ठमेलका भट्टीमा लगेर बेश्यावृत्तिका लागि तयार पारिन्थ्यो,” पीडित बालबालिकालाई उद्धृत गर्दै अधिकारकर्मीले बताए ।

बालबालिका संरक्षणको क्षेत्रमा काम गरिरहेको संस्था एक्सन फर राइट्स इन्टरनेशनल (एसीआर–इन्ट) ले सिआइबीमा बालबालिकामाथि यौन दुव्र्यवहार र बलात्कार भएको प्रमाणसहित उजुरी दिएको थियो । एसीआरले प्रस्तुत गरेका प्रमाणहरु पुनः चेकजाँच गरेपछि श्रेष्ठ र चालिसेलाई सिआइबीले पक्राउ गरेको हो ।

आफ्नो नाम बताउन नचाहने बेलायती महिलाले आफ्नी छोरीको दृष्टि यातनाका कारण गुमेको र उनीमाथि मानसिक आघात समेत परेको बताएकी छन् । “बालिकालाई कहिले रुखमा झुण्ड्याउने त कहिले खाल्डोमा घोप्ट्याएर यातान दिएको रहेछ,” उनले भनिन् ।

श्रेष्ठ र चालिसे दुवैले आरोप अस्वीकार गरेका छन् भने बालमन्दिरको सञ्चालक संस्था नेपाल बाल संगठनले उनीहरु दुवै बालमन्दिरसँग सम्बन्धित नभएको दाबी गरेकोे छ । यद्दपी बेलायती महिलाका अनुसार दृष्टिविहिन बालिकालाई धर्मपुत्री बनाउने क्रममा उनको श्रेष्ठसँग बारम्बार कर्मचारीकै हैसियतमा भेट भएको थियो ।

सिआइबीले यसबारेमा अनुसन्धान भइरहेको भन्दै थप प्रतिक्रिया दिन अस्वीकार गरेको छ ।

श्रेष्ठ र चालिसेलाई अनुसन्धानका लागि अर्को एक हप्ताका लागि सिआइबीले अदालतबाट म्याद थप गराएको छ । उनीहरुलाई १९ असारमा अदालतमा पेश गरिनेछ ।

देशका विभिन्न स्थानका ११ बालमन्दिरमा करिब ६०० बालबालिका आश्रित छन् । बालमन्दिर सञ्चालनको जिम्मा पाएको संस्था बालसंगठन आफै बाल दुव्र्यवहार र भ्रष्टाचारको आरोपमा मुछिएको छ । अष्ट्रेलियन गैरसरकारी संस्था मित्रता फाउण्डेशनले सन् २०१० मा बालमन्दिर व्यवस्थापनको जिम्मेवारी लिन मञ्जुर भए पनि संगठनमा व्याप्त भ्रष्टाचार र अव्यवस्थाका कारण उसले हात झिकेको थियो ।

“दुर्भाग्यबस, नेपाल बालसंगठनमा ब्याप्त भ्रष्टाचारका कारण हामीले योजना रद्द गर्नुप¥यो, हामी आफै कसैलाई घुष नदिने मित्रताको साखलाई कायम राखेर सेवा दिन सक्छौं भन्नेमा विश्वस्त हुन सकेनौं,” एउटा अनलाइन पत्रिकाकामा संस्थाले भनेको छ ।

मूल अंग्रेजी संस्करणमा पढ्न यहाँ क्लिक गर्नुहोस

प्रतिकृया दिनुहोस