तिहारमा प्रयोग हुने मखमली फूलको ब्यवसायिक खेति शुरु गरेका गुण्डुका किसानका खेतमा अहिले नै मखमली फूलेपछि उनीहरुले माला गाँस्न ब्यस्त भएका हुन् । मखमली फूल लामो समयसम्म नओउलाने भएकाले अहिले नै माला तयार गरी राखे पछि बेच्न सजिलो हुने कृषकहरु बताउँछन् ।

गुण्डुका कृषकले मकैबारीभित्र मखमली फूल खेती गरेर राम्रो आम्दानी लिने गरेको स्थानीय कृषक पविता नगरकोटीले जानकारी दिइन् ।

उनले भनिन् फागुनमा बीउ राखेपछि ढिलोमा वैशाख अन्तिम सातासम्म बेर्ना रोपिसक्नु पर्छ मध्य असारबाट फूल्न शुरु हुन्छ ।

फूलबाट राम्रो आम्दानी लिन सकिने भएकाले कृषकले एक घर बराबर १०÷१५ रोपनी जग्गामा मखमली फूल र मकैसँगै लगाउँदै आएका छन् ।

तिहारका बेला बजारमा लैजाँदा दुई घण्टा अगाडि पानी छर्केपछि फूल ताजा देखिने स्थानीय सुनिता रिसालले बताइन् ।

यस वर्षको तिहार कात्तिक ४ देखि ८ सम्म परेको भए पनि माला भने अहिलेदेखि नै तयार भइसकेको छ ।
शर्मिला पाठक/रासस

प्रतिकृया दिनुहोस