एमाले संसदीय दलका नेता ओलीले अध्यक्षले खनालले आफूलाई पटकपटक वचन दिएकाले वरिष्ठ नेता नेपाललाई समर्थन गर्ने भनेर विश्वास नलागेको बताएका छन् । २४ असारमा महाधिवेशनस्थलमा पत्रकारसँग कुरा गर्दै उनले भने, “नेतृत्व हस्तान्तरणका लागि खनालले पटकपटक वचन दिनुभएको छ, त्यसैले खनाल र नेपालको समीकरण बनेमा सहमतिका साथ नेतृत्व हस्तान्तरणका लागि मात्रै बन्न सक्छ ।”

उनले औचित्य, तर्क र न्यायका आधारमा नेतृत्व हस्तान्तरण हुनुपर्ने बताए । “मैले १५ वर्ष चलाएँ, अब २० वर्ष चलाउँछु भन्ने आधारमा नेतृत्व हस्तान्तरण गर्ने होइन,” उनले भने ।

खनालले स्वास्थ्यले साथ दिएमा आफूलाई समर्थन गर्नेबारेमा पटकपटक वचन दिएको बताउँदै उनले पछिल्ला दिनमा पनि कुराकानी भइरहेको स्पष्ट पारे । उनले इतिहासलाई फर्काउन नहुने भन्दै प्रतिनिधि नेतृत्व हस्तान्तरणका पक्षमा रहेको जिकिर गरे
रासस

प्रतिकृया दिनुहोस