राजधानीमा २८ असारमा विभिन्न सात दल सम्मिलित ‘पहिचानमा आधारित संघीय गठबन्धन’ घोषणा कार्यक्रममा बोल्दै अध्यक्ष दाहालले उत्पीडित उपेक्षित, आदिवासी जनजाति, दलित, महिला, मधेशीको अधिकारमा कुनै सम्झौता नगर्ने बताएका हुन । पहिचानमा आधारित संघीयताका लागि आफू मर्न पनि तयार रहेको उनको भनाई थियो । दाहालले भने, ‘मर्न परे मर्छु, जेल जान परे जान्छु तर अधिकारको विषयमा कुनै सम्झौता गर्दिन ।’

पूर्वप्रधानमन्त्री समेत रहेका अध्यक्ष दाहालले आफूलाई भौतिक रुपमै सिध्याउने कसरत भईरहेको समेत दाबी गरे । कुन समूहले, किन सिध्याउन लागेको हो भन्ने कुरा भने उनले कार्यक्रममा खुलाएनन् ।

दाहालको आतिथ्यतामा घोषणा गरिएको गठबन्धनमा संविधानसभा भित्रका चार र बाहिरका तीन आदिवासी जनजाति पक्षधर दल सम्मिलित छन् । गठबन्धनमा भएका मध्ये राष्ट्रिय जनमुक्ति पार्टी, थरुहट तराई पार्टी नेपाल, नेपाः राष्ट्रिय पार्टी र खम्बुवान राष्ट्रिय मोर्चा संविधानसभा भित्रका दल हुन भने मञ्चसम्बद्ध संघीय लिम्बुवान राज्य परिषद, सामाजिक लोकतान्त्रिक पार्टी र आदिवासी जनजाति पार्टी संविधानसभामा छैनन् ।

प्रतिकृया दिनुहोस