जिल्ला प्रहरी कार्यालय धनुषाको बिशेष टोलिले काठमाडौंबाट धरान जाँदै गरेकोे ना ४ ख ६०९८ नम्बरको बसबाट बझाङ मेलबिसौना– १ का खम्वीर रौलेलाई १० किलो सुनसहित पक्राउ गरेको छ ।

धरान जाँदै गरेको बसलाई धनुषाको पोर्ताहामा रोकी खानतलासी गर्दा १० किलो सुनसहित बझाङका खम्वीर रौले पक्राउ परेको प्रहरी उपरिक्षक उत्तमकुमार सुवेदीले जानकारी दिए ।

प्रहरीले रौलेसँग सोधपुछ भईरहेको र थप विवरण अनुसन्धानपछि उपलब्ध गराउने जनाएको छ ।

अवैध सुन बोकेर रौले धरानतर्फ जाँदै गरेको भन्ने सुराकीको सूचनाका आधारमा अपरान्ह १२ बजेदेखि नै पोतार्हामा कुरेको प्रहरीको टोलिले अपरान्ह ४ बजेमात्रै सुनसहित रौलेलाई नियन्त्रणमा लिन सफल भएको थियो ।

इश्वरचन्द्र झा, जनकपुर

प्रतिकृया दिनुहोस