उर्जा मन्त्रालयको वार्षिक प्रगति समीक्षामा उर्जामन्त्री समेत रहेका प्रधानमन्त्रीले जसरी पनि थप बिजुली आयात गर्न मिल्ने गरी प्रशारणलाईन बनाउन निर्देशन दिएका हुन् । अहिलेको संरचनाबाट दुई सय मेगावाट बिजुली आयात गर्न नसकिने भएकाले प्रधानमन्त्री भट्टराईले प्रशारणलाईन निर्माणमा जोड दिएका हुन् ।

उर्जा मन्त्रालय, नेपाल विद्युत् प्राधिकरण, विद्युत् विकास विभाग लगायतका पदाधिकारीलाई निर्देशन दिँदै उन्ले हिउँदको लोडसेडिङ १० घण्टामा सीमित गर्न भारतबाट थप बिजुली ल्याउनुपर्ने बताए । थप बिजुली आयात गर्न भारत सरकारसँग आफूले आग्रह गरिरहेको प्रधानमन्त्रीले जानकारी दिए । उन्ले भने, “भारतबाट थप बिजुली ल्याउने सरकारको जिम्मेवारी भो, तपाईहरु चाँहि विद्युत् प्रशारणलाईन बनाउहोस् ।”

आउँदो पुष महिना भित्रमा थप प्रशारणलाईन बनाउनुपर्नेमा प्रधानमन्त्रीले जोड दिएका छन् । नेपाल विद्युत् प्राधिकरण प्रणाली संचालन विभागका प्रबन्धक भुवन कुमार क्षेत्रीले अहिलेको संरचनामार्फत् १४५ मेगावाट भन्दा बढी बिजुली आयात गर्न नसकिने बताए । छिटो काम गर्दा पनि थप बिजुली आयात गर्ने प्रशारणलाईन बनाउन मुश्किल हुने क्षेत्रीको भनाई छ ।

भारतको कटैया–दुहबीको १५ किलोमिटर प्रशारणलाईन निर्माण गर्दा थप ७० मेगावाट बिजुली आयात गर्न सकिने उन्ले बताए ।

प्रतिकृया दिनुहोस