क्रान्तिकारी पत्रकार सङ्घ चितवनले २३ साउनमा भरतपुरमा गरेको पत्रकार सम्मेलनमा एमाओवादी अध्यक्ष दाहालले पार्टी विभाजनको कुनै संभावना नभएको बताएका हुन् । उनले भने, “शान्ति र संविधान निर्माण हुँदै गरेको अहिलेको समयमा पार्टी विभाजन हुने कुनै सम्भावना छैन ।

पार्टीभित्र देखिएका विवाद नयाँ प्रक्रियाबाट समाधान हुने उनको भनाइ छ । उनले अन्तरकलह थप चर्किएर नजाने ठोकुवा गरे ।

बाबुराम भट्टराईसँग लामो समयदेखि विवाद र बहस हुँदै आएको उनले बताए । उनले भने, “बाबुरामजीसँगको सम्बन्धको लामो कथा छ, पाँचाँै महाधिवेशनदेखि उहाँसँग विवाद र बहस भइरहेको छ ।”

“तपाईंहरुलाई हाम्रो विवाद अनौठो लाग्ला, हामीलाई दूध र भात जस्तो भइसक्यो,” उनले थपे, “अगाडि उहाँ प्रचण्ड राष्ट्रको नेता भन्नुहुन्छ, पछाडि नेतृत्व भएन भन्नुहुन्छ, माग बुझी नसक्नुका छन् ।”
रासस

प्रतिकृया दिनुहोस