गत महिना सम्पन्न एमालेको नवौं महाधिवेशनमा भएको निर्वाचनमा बराबर मत ल्याउने उम्मेदवारलाई गोलाप्रथामा सहभागी गराउने केन्द्रीय निर्वाचन आयोगको पटकपटकको प्रयास बिफल भएपछि निकासका लागि केन्द्रीय कमिटीले नै राजनीतिक निर्णय गर्ने देखिएको छ ।

महाधिवेशनमा खुल्लातर्फको केन्द्रीय सदस्यमा खिमलाल भट्टराई र नागेन्द्र चौधरीले ९८६ र मुस्लिमतर्फको सदस्यमा मोहम्मद महफुज अन्सारी र सिराज अहमद फारुकीले ९६४ मत ल्याएका थिए । निर्वाचन प्रक्रियाअनुसार सम्बन्धित उम्मेदवारलाई उपस्थित गराएर गोलाप्रथा गर्नुपर्ने हुन्छ ।

२७ साउनमा बसेको केन्द्रीय निर्वाचन आयोगको बैठकले अब केन्द्रीय कमिटीमा छलफल भएपछि मात्र टुङ्गोमा पुग्न सहज हुने निष्कर्ष निकालेको आयोगका सदस्य सानुराज पोखरेलले जानकारी दिए ।

गोलाप्रथाबाट पराजित हुनेलाई केन्द्रीय कमिटीमा मनोनित गरिने निश्चित भएपछि मात्रै त्यस प्रक्रियामा भाग लिन चाहने ती उम्मेदवारको चाहना देखिएकाले निर्णयमा पुग्न कठिन भएको हो ।

एमाले केन्द्रीय कमिटीको बैठक आजै बस्दै छ ।

प्रतिकृया दिनुहोस