एमाले नेता पोख्रेलले सातबुँदे सम्झौता कार्यान्वयन कार्यान्वयन नभए एमाले सरकारबाट बाहिरिने चेतावनी दिएका हुन् । रिपोर्टर्स क्लबले ४ भदौमा गरेको कार्यक्रममा उनले संविधान निर्माणको दायित्व बोध गरेर मात्र कांग्रेससँगको सहकार्य जारी रहेको बताए ।

“प्रधानमन्त्री कोइरालाले सम्झौता कार्यान्वयन नगरे एमाले सरकार बनाउन वा प्रतिपक्षमा बस्न पनि तयार छ,” उनले भने, “आफैले हस्ताक्षर गरेको सहमति कार्यान्वयन गर्ने कि गठबन्धन अघि बढाउने भनेर बल प्रधानमन्त्रीकै कोर्टमा छ ।”

उनले संविधानसभाबाट राष्ट्रपति र उपराष्ट्रपतिको अनुमोदन हुनुपर्नेमा जोड दिए । “सरकार निर्माणको बेला आफै सहमतिमा हस्तक्षर गरेका कोइरालाले अहिले आफै बखेडा झिकिरहेका छन्,” उनले भने ।

पोख्रेलले एमालेभित्र सरकारमै रहने कि बाहिरिने भन्ने बहस शुरु भइसकेको दावी गरे । उनले भने, “संविधान निर्माणका लागि सरकारमै बस्नुपर्ने बाध्यता छ, तर कांग्रेस नेताहरुले धम्काइरहे सरकारबाट बाहिरिन सक्छौं ।”

प्रतिकृया दिनुहोस