व्यवसायी सुधीर बस्नेतलाई तत्काल पक्राउ गरी थुनामा राख्न सर्वोच्च अदालतले आदेश दिएको छ । सर्वोच्चले ६ भदौमा ओरियन्टल सहकारीका अध्यक्ष समेत रहेका बस्नेतलाई तत्काल पक्राउ गरी थुनामा राख्न आदेश दिएको हो ।

न्यायाधीश गिरिशचन्द्र लाल र देवेन्द्रगोपाल श्रेष्ठको इजलासले पछि ठहरेको हुने बमोजिम हाललाई पुर्पक्षका लागि बस्नेतलाई थुनामा पठाउन आदेश दिएको सर्वोच्चका सहप्रवक्ता बाबुराम दाहालले जानकारी दिए ।

बस्नेतसँग सम्बद्ध हाउजिङ र अपार्टमेन्ट परियोजना तथा सहकारीले आठ हजारभन्दा बढी सर्वसाधारणको रु.७ अर्बभन्दा बढी रकम ठगेका छन् । सहकारीमा निक्षेप राखिएको र हाउजिङ परियोजनाहरुमा बुकिङ गरेको रकम बस्नेतले फिर्ता नदिएपछि पीडितहरुले आन्दोलन गर्दै आएका छन् ।

पीडितहरुले बस्नेतमाथि कारबाही र आफ्नो रकम फिर्ताको माग गर्दै आए पनि सरकारले बेवास्ता गर्दै आएको छ । साप्ताहिक खबरपत्रिका हिमालले  बस्नेतको ठगी धन्दाबारे १५–२१ पुस २०७० को अंकमा रिर्पोटिङ गरेको थियो ।

सम्बन्धित समाचार पनि पढ्नुहोस्ः

निर्धक्क ठगी

सुधीर बस्नेत प्रकरणः हरायो न्याय

सुधीर बस्नेत प्रकरणः संवेदनहीन सरकार

प्रतिकृया दिनुहोस