रिपोर्टर्स क्लब नेपालले आयोजना गरेको साक्षात्कारमा क्याप्टेन शेरचनले  आफूले जहाज उडाउँदा समेत पटकपटक चरा सँग ठोक्किए पनि बचाएको उदाहरण प्रस्तुत गर्दै जहाजमा भएको प्राविधिक र विमानस्थलको ब्यवस्थापनमा रहेको कमजोरी पनि दुर्घटनाको सहायक कारण भएको आरोप लगाए ।

नेपाली पाईलट विश्वकै सबैभन्दा जोखिम उडान गर्न सक्षम प्रमाणित भईसकेको अवस्थामा चरा ठोक्किएरमात्र दुर्घटना भयो भन्नु उचित नहुने शेरचनको तर्क थियो । उनले विमानलाई मानवबस्तीमा खस्न नदिई खोलामा खसाउनु पाईलटको कुसलताको उदाहरण भएको भन्दै विमानका पाईलट सक्षम रहेको पुष्टि भएको बताए ।

नेपाल वायु सेवा सञ्चालक संघका अध्यक्ष रामेश्वर थापाले मनहरा खोलामा दुर्घटना भएको सीता एयर विमान दुर्घटनामा पाईलटको कुनै भूमिका नभएको भन्दै प्राविधिक जाँच भएर उडेको विमान चराको कारणले मात्र दुर्घटना परेको दावी गरेका थिए ।

प्रतिकृया दिनुहोस