१३ भदौ दिउँसो बसेको मन्त्रिपरिषद्को बैठकको निर्णय सुनाउँदै सूचना तथा सञ्चार मन्त्री मिनेन्द्र रिजालले सरकारले मनोनित गरेका १८ सभासद्मध्ये रुक्मिणी कोइरालाको पनि नाम पढेर सुनाएका थिए । तर, बेलुका मन्त्रिपरिषद् सचिवालयले विज्ञप्ति जारी गरी १७ सभासदको मनोनयन भएको जनाएको छ ।

यसअघि कांग्रेसका तर्फबाट समानुपातिकतर्फको सूचिमा रहेकी कोइरालालाई सरकारले सभासदमा मनोनयन गर्नु सर्वोच्च अदालतको आदेश विपरित भएको भन्दै सञ्चारमाध्यमहरुमा समाचार प्रकाशित भएको थियो ।

सरकारका प्रवक्ता समेत रहेका सञ्चारमन्त्री मिनेन्द्र रिजालले कोइरालाको नाम मनोनित हुने व्यक्तिको सूचिबाट हटाइएको बताएका छन् । कोइरालाको नाम गल्तीले सूचिमा परेको र अहिले हटाइएको रिजालले बताए ।

२६ सभासद मनोनयन सम्बन्धमा परेको रिटमा सर्वोच्च अदालतले समानुपातिक सूचिमा भएका वा प्रत्यक्षतर्फ चुनाव लडेका उम्मेदवारलाई सभासद नबनाउन भनेको छ ।

प्रतिकृया दिनुहोस