तस्वीर: रासस

गत साउनको अन्तिम साता आएको बाढीमा रौतहटका तीनवटा उद्योगले रसायन मिसिएको प्रदुषित पानी मिसाउँदा करिब एक हजार विगाहमा लगाइएको धानबाली नष्ट भएको भन्दै किसानहरु आन्दोलनरत छन् । पीडित किसानहरुलाई उचित क्षतिपूर्तिको माग गर्दै एमाले वरिष्ठ नेता माधव नेपालले प्रधानमन्त्रीलाई ज्ञापनपत्र बुझाएका हुन् ।

नेता नेपालले उद्योगको प्रदूषणले धानखेती नष्ट भए–नभएको छानविन गरी उद्योगहरु दोषि पाइएमा उनीहरुलाई कार्वाही गर्न समेत माग गरेका छन् ।

१९ भदौमा प्रधानमन्त्री कोइरालालाई ज्ञापनपत्र बुझाउन गएको टोलीमा सभासद् रामकुमार भट्टराई, कल्याणी खड्का र एमाले केन्द्रीय प्रचार विभाग सदस्य रेवन्त झा थिए ।

गत साउन २८ देखि ३० सम्म रौतहटका विभिन्न खोलामा आएको बाढीको पानीमा श्रीराम सुगर मिल्स गरुडाको डिस्टिलरी प्लान्ट, ज्योति डिस्टिलरी र बाबा डिस्टिलरीबाट निस्किएको प्रदुषित पानी मिसाएपछि एक हजार एक सय बिगाहामा लगाइएको धानबाली नष्ट भएको किसानहरुको दाबी छ ।

उद्योगहरुका संचालकहरुले डिस्टिलरीको पानी खोलाको बाढीमा नमिसाएको बताइरहेका छन् ।

नेपाल रौतहटको निर्वाचन क्षेत्र नम्बर १ बाट निर्वाचित संविधानसभा सदस्य हुन् ।
सञ्जय साह मित्र

यो पनि पढ्नुहोस

औद्योगिक रसायनले धानखेती सखाप

प्रतिकृया दिनुहोस