नेपाल टेलिकममा सरकारले पहिलोपटक गैर इञ्जिनियरलाईे प्रवन्ध निर्देशकमा नियुक्त गरेपछि त्यहाँ कार्यरत इञ्जिनियरहरु २० भदौ बिहानदेखि टेलिकम मुख्यालयमा धर्ना बसेका छन् ।

टेलिकमको सञ्चालक समितिले प्रवन्ध निर्देशक नियुक्ति गर्नुपर्ने नियम हुँदाहुँदै सूचना तथा सञ्चार मन्त्री मिनेन्द्र रिजालले ठाडो हस्तक्षेप गरी गैरइन्जिजिनियरलाई नियुक्ति गरेको आन्दोलनकारीको आरोप छ ।

विहीबार बसेको मन्त्रिपरिषद बैठकले टेलिकमको एघारौं तहमा कार्यरत चार्टड एकाउन्टेन्ट बुद्धि आचार्यलाई प्रवन्ध निर्देशकमा नियुक्त गरेको छ।
यसैवीच टेलिकमका उप निर्देशकसहित डेढ दर्जन इञ्जिनियरहरु १५ दिनका लागि विदामा बसेका छन् ।

उनीहरुले २२ भदौदेखि सबै इञ्जिनियर विदामा बस्ने चेतावनी समेत दिएका छन् ।

प्रतिकृया दिनुहोस