१९ भदौमा बसेको चारदलको बैठकले संविधानसभा बाहिर रहेका माओवादी लगायतका दललाई संविधान लेखनमा सहभागी गराउन चारदलका नेता सम्मिलित कार्यदल गठन गरेको थियो । कार्यदलले नेकपा–माओवादीको माग बमोजिम ‘राष्ट्रिय राजनीतिकसभा’ आयोजनाका लागि मिति, प्रारूप र क्षेत्राधिकारका विषयमा प्रतिवेदन तयार पारी चार दलका शिर्ष नेताको बैठकमा प्रस्तुत गर्ने कार्यादेश पाएको थियो ।

कार्यदलको बैठक २० भदौमा बस्ने भनिए पनि बस्न नसकेको माओवादी सचिव देव गुरुङले जानकारी दिए ।

उनले भने, “बैठकको लागि आज खबर गर्छौ भन्नुभएको थियो, तर साँझ सम्म कुनै खबर आएन ।”

कार्यदलमा नेपाली कांग्रेसका कृष्णप्रसाद सिटौला र नरहरि आचार्य, नेकपा (एमाले)का भीम रावल र अग्नि खरेल, एकीकृत नेकपा(माओवादी)का कृष्णबहादुर महरा र खिमलाल देवकोटा तथा नेकपा–माओवादीका देव गुुरुङ र पम्फा भुसाल रहेका छन् ।

प्रतिकृया दिनुहोस