संघर्ष समितिले २४ भदौमा जानकारी सभा गर्दै एक बर्षअघि बेलायतको संसदले गरेको बाचा पूरा नभएको भन्दै पुन सत्याग्रह बस्ने चेतावनी दिएको छ ।

समितिका नेपाल संयोजक लालबहादुर घिसिङ र बेलायत संयोजक कृष्णबहादुर राईले संयुक्त प्रेस विज्ञप्ती जारी गर्दै नेपाल सरकारका प्रतिनिधिहरुले यसबारे ध्यान दिन माग गरेका छन् ।

यसअघि भूतपूर्व गोर्खा सैनिक ज्ञानराज राई र बेलायती नागरिक डा.डेभिड ह्याल्लोरेनले पाँच सूत्रीय माग राख्दै बेलायतमा आमरण अनसन बसेका थिए ।

सन् १९४७ नोभेम्वर ९ मा नेपाल–भारत–बेलायतबीच भएको त्रिपक्षीय सन्धीमा गोर्खा सैनिकलाई भेदभाव नगर्ने सहमति गरिए पनि कार्यान्वयन नभएको भन्दै पूर्व गोर्खा सैनिकहरुले संयुक्त गोर्खा सत्याग्रह संघर्ष समिति गठन गरी आन्दोलन गर्दै आएका छन् ।

समितिले समान पेन्सन, केटौतीमा परेका गोर्खाहरुलई पेन्सन र क्षतिपूर्ति, गोर्खाका वयस्क छोराछोरीलाई बेलायतमा आवासीय भिसा, नेपालमा बसेका गोर्खा र परिवारलाई शतप्रतिशत निशुल्क औषधी र क्षतिपूर्तिको माग गर्दै आएको छ ।

प्रतिकृया दिनुहोस