संवैधानिक राजनीतिक सम्वाद तथा सहमति समितिका सभापति बाबुराम भट्टराईले संविधानसभामा प्रस्तुत गरेको प्रतिवेदनमाथि २७ भदौ विहान ११ बजेबाट छलफल शुरु भएको हो ।

समितिले सबै अन्तर्वस्तुमा सहमति जुटाउन नसकेपछि कसरी विवाद समाधान गर्ने भन्नेबारे संविधानसभाबाटै निर्णय लिइँदैछ । दिउँसो तीन बजेसम्म चल्ने बैठकमा सभासदहरुलाई बोल्नका लागि तीन मिनेटको समय दिइएको सभासद पार्वत गुरुङले हिमालखबरलाई जानकारी दिए ।

भट्टराईले संविधानसभामा १३ विवादित विषयसहितको प्रतिवेदन पेश गरेका छन् । राज्य पुनःसंरचना, शासकीय स्वरुप, न्याय प्रणाली, निर्वाचन प्रणालीलगायतका विषयमा सहमति जुट्न सकेको छैन ।

तीन बजे संसद बैठक

विपक्षी दलहरुले लगातार अवरुद्ध गर्दै आएको व्यवस्थापिका संसदको बैठक २७ भदौ तीन बजेका लागि बोलाइएको छ ।

उच्चस्तरीय राजनीतिक संयन्त्रको माग गर्दै एमाओवादीसहितका दलहरुले १३ भदौबाट संसद अवरुद्ध गर्दै आएको छ ।

प्रतिकृया दिनुहोस