नेविसंघको महाधिवेशन उदघाटन हुने भनिएको मितिभन्दा एक दिनअघि मात्रै स्थगित भएको घोषणा गरिएपछि अध्यक्षका उम्मेद्वार रहेका क्षितिज भण्डारीले मतदाताको सूची तयार नभएकाले अधिवेशन स्थगन गर्नुपरेको बताएका छन् । उनले अविलम्ब महाधिवेशनको नयाँ मिति तोक्न पनि माग गरे ।

पार्टीमा भएको ४० र ६० को भागवण्डाको रोग नेविसङ्घमा पनि सरेर महाधिवेशन स्थगित हुने अवस्था आएको भण्डारीको भनाई थियो ।

कार्यक्रममा अध्यक्षमा उम्मेद्वारी दिने तयारी गरेका गणेश भट्ट, मनोजमणि आचार्य, कुन्दनराज काफ्ले, शुभराम बस्नेत, जीतजँग बस्नेत, नीलकण्ठ रिजाल, राजीव ढुङ्गाना र नैनसिंह महरलगायतले मतादाता नामावलीमा रहेको विवाद छिटो टुङ्ग्याएर एक हप्ताभित्र महाधिवेशनको मिति घोषणा गर्न माग गरे ।

नेविसङ्घका प्रवक्ता युपी लामिछाने पार्टीको निर्देशनमा मतदाता नामावली एक हप्ताभित्र टुङ्ग्याउनका लागि अहिलेलाई महाधिवेशन स्थगित गरिएको जानकारी दिए ।

नेविसंघ महाधिवेशन स्थगित

एक हप्ताभित्र मतदाता नामावली बुझाएपछि १५ दिनमा पार्टीले महाधिवेशनको नयाँ मिति घोषणा गर्ने लामिछानेको भनाई छ ।

प्रतिकृया दिनुहोस