एमाओवादीको सिंहदरवारस्थित संसदीय दलको कार्यालयमा १३ असोजमा संविधानसभामा एक सीट पनि ल्याउन नसकेका जातीय दलहरुसँग समेत मोर्चाबन्दी गर्ने सहमति गरेको छ ।

जातीय पहिचानसहितको संविधान बनाउन भन्दै एमाओवादीले समाजिक लोकतान्त्रिक पार्टी, आदिवासी जनजाति पार्टी र लिम्बुवान राष्ट्रिय परिषदसँग पनि मोर्चाबन्दीका लागि सहमति गरेको छ । यी तीन वटै दल संविधानसभामा छैनन् ।

उसले अन्य साना जातीय दलहरु राष्ट्रय जनमुक्ति, थरुहट तराई पार्टी नेपाल, खम्बुवान राष्ट्रिय मोर्चा र नेपा राष्ट्रिय पार्टीसँग सहकार्यका निम्ति सहमति गरेको जनमुक्तिका शिवलाल थापाले बताए । थापाका अनुसार यो मोर्चाले कांग्रेस एमालेले पेलेर मतदानबाट विवादित विषय टुंग्याउने खोजे सडक आन्दोलनमा जाने सहमति गरेको छ ।

यसअघि, एमाओवादीले संघीय समाजवादी पार्टी, मधेसी जनाधिकार फोरम नेपाल, तमलोपा, मधेसी जनाधिकार फोरम लोकतान्त्रिक, सद्भावना पार्टी, तराई मधेश सदभावना पार्टी नेपालसँग मोर्चा बनाइसकेको छ ।

दोस्रो संविधानसभाको चुनावमा तेस्रो भएको एमाओवादीले अव १४ साना जातीय/क्षेत्रीय दलको नेतृत्व गर्नेछ ।

प्रतिकृया दिनुहोस