सडक मर्मतको माग गर्दै आन्दोलित बारा हरिहरपुरका स्थानीय र प्रहरीबीच झडप हुँदा प्रहरीको गोलीले एक स्थानीयको मृत्यु भएको छ ।

प्रहरीको गोलीबाट हरिहरपुर–७, का ४० बर्षीय जयनारायणप्रसाद पटेलको मृत्यु भएको छ, भने अन्य दर्जन स्थानीय घाइते भएका छन् । कलैयाबाट सिम्रौनगढ जाने गण्डक नहरको बाटो मर्मतको माग गर्दै आन्दोलित स्थानीयसँग प्रहरीको झडप भएको थियो ।

घाइतेहरुको बिरगञ्जस्थित नेशनल मेडिकल कलेजमा उपचार भइरहेको छ । त्यहाँ उपचार हुन नसकेकाहरुलाई काठमाडौं ल्याइएको छ ।

प्रहरीले स्थिति नियन्त्रणमा ल्याउन अस्रु ग्याँस फालेका थिए । झडपबारे प्रशासनले प्रतिक्रिया दिएको छैन ।

श्याम गुप्ता, बारा

प्रतिकृया दिनुहोस