एमाओवादीको  जनवर्गीय संगठन नेवाः राष्ट्रिय मुक्ति मोर्चाले किर्तिपुरमा आयोजना गरेको सभामा बोल्दै अध्यक्ष पुष्पकमल दाहालले  कांग्रेस एमालेका कारण विगतका उपलब्धी गुम्ने खतरा रहेको भन्दै आन्दोलनमा उत्रन आह्वान गरेका छन् । उनले केन्द्रमा आफूहरु मोर्चाबन्दी गरेर संघर्ष गरिरहेकाले स्थानीय तहमा नेवार समुदाय  पनि आन्दोलनमा उत्रनुपर्ने बताए ।

उनले भने, ‘‘कांग्रस–एमाले संघीयता चाहिदैन भनिरहेका छन् । त्यसैले नेवाःप्रदेश खतरामा छ । बचाउने हो भने उठ्नुहोस् ।’’ उनले धर्मनिरपेक्षता, गणतन्त्र र संघीयताका लागि आन्दोलनमा उत्रनुपर्ने बताए ।

एमाओवादीले पहिचानसहितको १० प्रदेशको अडान संविधानसभामा राखिरहेको छ । दाहालले यसअघि २ जेठ ०६९ मा पनि जनजातिलाई जातीय राज्य प्राप्तिको लागि सडकमा उत्रन आह्वान गरेका थिए ।

प्रतिकृया दिनुहोस