सहमतिका लागि संवैधानिक–राजनीतिक संवाद तथा सहमति समितिमा सत्तारुढ दलहरुका तर्फबाट  पेस गरिएको प्रस्तुत प्रस्ताव फिर्ता नहुने भन्दै कांग्रेस वरिष्ठ नेता शेरबहादुर देउवाले  समितिको बैठक स्थगित भएकोप्रति आपत्ति जनाएका छन्  ।

देउवाले भने, “यो हाम्रो प्रस्ताव हो, उहाँहरुले पनि छलफलका लागि प्रस्ताव ल्याए हुन्छ, त्यसमा छलफल गरौं, वार्ता र मिलनका लागि उपयुक्त ठाउँ खोजौं ।’’

संविधानका विवादित विषयमा सहमति जुटाउने जिम्मेवारी पाएको संवाद समितिमाले संविधानसभाले तेस्रो पटक दिएको म्यादभित्र सहमति जुटाउन नसकेपछि  काँग्रेस एमालेलगायत दलले छलफलका लागि भन्दै समितिमा ६ प्रदेशसहितको सहमतिको खाका प्रस्ताव गरेका छन् ।

एमाओवादी र मधेशकेन्द्रित दलले उक्त प्रस्तावले सहमतिको वातावरण बिगारेको भन्दै फिर्ता लिनुपर्ने माग राख्दै आएका छन् ।

प्रतिकृया दिनुहोस