तस्वीर: लक्ष्मी गौतम

नेपाल प्रहरी,नेपाली सेना, शस्शत्र प्रहरी, स्थानीय वासिन्दा र इलामवाट ल्याइएको दमकलको संयुक्त पहलपछि पाँचथर र इलामको सीमामा पर्ने राँके बजारमा लागेको आगो ५ घण्टापछि नियन्त्रणमा आएको छ ।

आगलागीमा विष्णु मुखिया, चन्द्र गुरुङ, नेत्र लामिछाने, मणीकुमार चेम्जोङ र राजेन्द्र गौतमका घर पूर्ण रुपमा नष्पट भएका छन् भने गुप्त चेम्जोङ,रामदत्त राई,कुमार तामाङ र मुक्ती आचार्यका घर पनि आंशिक रुपमा जलेको प्रहरी प्रमूख पोखरेलले जानकारी दिए ।

आगो नियन्त्रणका क्रममा थप ४ वटा घर भत्काइएको छ ।

तस्वीर: लक्ष्मी गौतम

राँके वजारका विष्णु मुखियाको घरमा विद्युत सर्ट भएर आगलागी भएको पाँचथरका प्रहरी प्रमुख दिपक पोखरेलले जानकारी दिए ।

आगो लागेको क्षेत्रमा वाक्लो मात्रामा काठका कच्ची घर रहनुका साथै ती घरमा होटल तथा घीउ र छुर्पीका पसल रहेकाले पनि तत्कालै नियन्त्रणमा लिन कठिनाई भएको उद्धारमा संलग्न सुरक्षाकर्मीले बताए ।

अहिले पनि आगलागी भएको क्षेत्रमा थप क्षति हुन नदिन उच्च सर्तकता अपनाइएको पाँचथरक प्रमूख जिल्ला अधिकारी प्रदीपराज कँडेलले जानकारी दिए ।

आगलागीका कारण पाँचथरवाट इलाम र झापा तथा इलाम र झापावाट पाँचथर आउने सवारी तथा ढुवानीका साधन चारघण्टासम्म अवरुद्ध भएका थिए ।
अग्नी पीडितहरुलाई तत्कालका लागि राहत वितरण गर्ने तयारी भइरहेको वताइएपनि आगोले पु¥याएको क्षती एकिन विवरण भने आउन अझै केहि समय लाग्ने वताइएको छ ।

आगलागीमा मानवीय क्षति भने नभए पनि घरधनी, पसले, व्यवसायी र भाडामा बस्नेहरुको विचल्ली भएको छ ।

लक्ष्मी गौतम, पाँचथर

प्रतिकृया दिनुहोस