झापाको चन्द्रगढी विमानस्थलमा २२ असोजमा सञ्चारकर्र्मीहरुसँग कुरा गर्दै खनालले अब बन्ने सहमतिको सरकार एकीकृत नेकपा माओवादी बाहेक जसको नेतृत्वमा भए पनि हुने स्पष्ट पारे ।

असोजभित्र सहमतिको सरकार बनाउन नसके मुलुकको अर्थतन्त्र धराशायी हुने भन्दै उनले बाबुराम भट्टराई सरकार अहिलेसम्मकै राष्ट्रघाती र असफल रहेको दाबी गरे । एमाले र कांग्रेस सहमतिका लागि तयार भए पनि माओवादीको हठका कारण सहमति बन्न नसकेको खनालको भनाई थियो ।

अध्यक्ष खनालले कांग्रेसलाई एकपटक सहमतिको सरकारको नेतृत्व गर्न आग्रह गरेको खुलाउँदै कांग्रेस तयार हुनु पर्ने बताएका थिए ।
केही दिनअघि पहिरोबाट भएको क्षतिको निरीक्षणका लागि गृहजिल्ला इलाम जाने क्रममा उनी चन्द्रगढी पुगेका हुन् ।

प्रतिकृया दिनुहोस