समाचारबिहीबार, कार्तिक २०, २०७१
निर्देशक आलोक नेम्वाङको निधन
चलचित्र निर्देशक आलोक नेम्वाङको शव २० कात्तिक साँझ घरमा झुण्डिएको अवस्थामा फेला पारेको प्रहरी नायव निरीक्षक उमेश यादवले जानकारी दिएका छन् । प्रहरीले घटनाबारे अनुसन्धान भइरहेको बताए ।
नेम्वाङले आत्महत्या गरेको हुनसक्ने आशंका गरिए पनि अहिलेसम्म कुनै सुसाइड नोट फेला परेको छैन ।
‘सानो संसार’, ‘कोही मेरो’ जस्ता फिल्मसहित थुप्रै म्युजिक भिडियोका निर्देशक नेम्वाङको फिल्म ‘अझै पनि’ रिलिज हुने तयारीमा छ ।
