रिपोर्टर्स क्लब नेपालले २३ कात्तिकमा आयोजना गरेको साक्षात्कारमा कांग्रेस नेता दीपकुमार उपाध्यायले मधेशकेन्द्रित दलहरुसँग सत्तासाझेदारीको विषयमा छलफल भईरहेको जानकारी दिंदै उनीहरु आए कांग्रेस र एमालेका मन्त्रीलाई फिर्ता बोलाएर भए पनि समावेश गर्ने बताए ।

उनले भने, “अहिलेको समस्या भनेको जस कसले लिने भन्ने हो । संविधान निर्माणको जस सबैलाई चाहिएको हो भने हामी त्यसको लागि सबैलाई सरकारमा ल्याउन तयार छौ ।”

उनले एमाओवादी अध्यक्ष पुष्पकमल दाहालको बाहिर एउटा र भित्र अर्को कुरा गर्ने प्रवृत्तिले मुलुकको र स्वयम उनको समेत हित नगर्ने बताए ।

उनले भने, “फेरि पनि सहमति नगर्ने हो भने अयोग्यताको प्रमाणपत्र मात्रै हात लाग्छ ।”

प्रतिकृया दिनुहोस