इन्जिनियर समाज नेपालले भक्तपुरमा आयोजना गरेको कार्यक्रममा बोल्दै नेमकिपा अध्यक्ष नारायणमान विजुक्छेले राजनीतिक ज्ञान नभएका मानिसहरुले गर्दा देशले दुर्दशा भोगेको भन्दै प्राध्यापक, शिक्षक र इञ्जिनियरलाई पनि राजनीतिक क्षेत्रमा आउन आग्रह गरेका छन् ।

संविधान निर्माणबारे कुनै पनि ज्ञान नभएकाको बाहुल्यले गर्दा संविधानसभाले सक्रियतापूर्वक काम गर्न नसकेको उनको भनाई थियो ।

विजुक्छेले भने, “ठूला दलले अहिलेसम्म संविधान निर्माणका विषयमा गहिरो छलफल नगरी प्रचारमा आउने कार्य मात्र गरेका छन् ।”

नेकपा–एमाओवादी र मधेशवादी दलहरुले जातीय र क्षेत्रीय आधारमा प्रदेश गठन गरी देशलाई नै विभाजनमा लान खोजेको आरोप लगाउँदै उनले जातीय र क्षेत्रीय आधारमा संघीयता भए देशमा रक्तपात मच्चिनसक्ने चेतावनी दिए ।

उनले दलका नेताहरुलाई विदेशीहरुको निर्देशनमा चलेको आरोप समेत लगाएका थिए ।

प्रतिकृया दिनुहोस